تاخد مليون جنية النهاردة ولا تاخد ٢ مليون بعد خمس سنين؟
لو سألت اي حد السؤال دا أكيد هتكون اجابته اني اخد مليون جنية النهاردة ودا بيرجع لعدة اسباب.
١.انه يقدر يستثمر المبلغ دا بشكل يحقق عائد ما خلال فترة معينه ومن ثم المبلغ دا هيزيد وممكن يبق اكتر من ٢ او ٣ مليون بعد الخمس سنين.
٢. انه لو محتاج المبلغ دا النهاردة عشان يشتري بيه حاجة معينة (شقة او عربية او جواز …الخ) هيفضل انه يقوم بيها دلوقت عن انه يأجلها لاي مدة زمنية لاحقة هتكون قيمة الشي دا زادت وممكن ميقدرش يقوم بيها.
الحقيقة ان السبب الرئيسي في اللي يدفع اي شخص انه ياخد مبلغ معين النهاردة عن انه ياخده بعد مده معينه حتي لو بقيمة اكبر نسبيا هي حاجة اسمها “القيمة الزمنية للنقود” واللي معناها ان القوة الشرائية لمبلغ معين بتقل مع مرور الزمن يعني النهاردة الجنية قوته الشرائية ٧٠ قرش مثلا. بعد سنه قيمته الشرائية هتبق اقل من كدا ودي نظرية مالية..
لو عايز تعرف اكتر عن القيمية الزمنية للنقود وازاي تحافظ علي اموللك وتستثمرها بشكل افضل تابعنا

Leave a Reply

Your email address will not be published. Required fields are marked *